ქვეყანაში შექმნილ მძიმე ეპიდემიოლოგიურ ვითარებასთან დაკავშირებით დეკანოზი ილია ჭიღლაძე “ფეისბუქის” პირად გვერდზე წერს:
“86 გარდაცვლილი დღეს. ქართველი ერის გენოციდია, მაგრამ დამსახურებული, იმდენი ყეყეჩი ანტივაქსერი და ანტიკორონისტი გვყვავს ხალხში, ხელისუფლება იმდენად უნიათო და უვარგისი, საპატრიარქო იმდენად მავნებელი, რომ ბუნებრივი შედეგი დგება.
127 მილიონიან იაპონიას დღეში 60-70 კაცი უკვდება და მათი პრემიერი გადადგომას აპირებს ამის გამო, ჩვენი თავდაჯერებული ყეყეჩი კი თვითკმაყოფილების ზენიტშია, ასეთი გარეწარი და უტვინო პრემიერი მე არ მახსოვს. შეათრია გაძაღლებული-გაკოტრებული საქართველო ისევ რუსეთში და ეგაა, ცოტაღა დარჩა ფორმალური მხარეების მოგვარებას და აღსრულდა საბჭოთა წითელი საპატრიარქოს 30 წლიანი ოცნება და იდეოლოგიური დივერსია,” – წერს დეკანოზი ილია ჭიღლაძე სოციალურ ქსელში.
ცნობისთვის, საქართველოში კორონავირუსის 3 034 ახალი შემთხვევა გამოვლინდა.
ქვეყანაში ბოლო 24 საათში 3 952 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 86 პაციენტი. აღნიშნული ინფორმაცია მთავრობის სპეციალურ ვებგვერდზე – stopcov.ge განახლდა.
ბოლო 24 საათში ქვეყანაში ჩატარდა 36 400 ტესტი, მათ შორის ანტიგენის სწრაფი ტესტით – 21 132, „პისიარ“ ტესტით – 15 268.
ქვეყანაში კორონავირუსის გამოვლენის დადებითობის მაჩვენებლებია: დღიური – 8,34 %, ბოლო 14 დღის – 9,72 %, ბოლო შვიდი დღის – 8,98 %.
საქართველოში კორონავირუსით ინფიცირების სულ 559 943 შემთხვევაა გამოვლენილი, მათგან 506 486 გამოჯანმრთელდა, 7 649 კი, გარდაიცვალა.
სულ აცრილია 1 259 391 ადამიანი, დღიურად აცრილია 23 518.
კარანტინის რეჟიმშია 111, სტაციონარში მეთვალყურეობას 7 210 ადამიანი გადის, კლინიკურ სასტუმროში იმყოფება 2 542 პირი.
გუშინ, 2 სექტემბერს საქართველოში კორონავირუსის 3 212 შემთხვევა გამოვლინდა, 5 017პაციენტი გამოჯანმრთელდა, 81 კი გარდაიცვალა.