ქუთაისში, მსუბუქი ავტომობილი ქვეითს დაეჯახა. შემთხვევა პარლამენტის ყოფილი შენობის მიმდებარე ტერიტორიაზე მოხდა – ინფორმაციას “ინფო იმერეთი” ავრცელებს.
მათივე ინფორმაციით, დაშავებული სასწრაფო სამედიცინო დახმარების ჯგუფმა საავადმყოფოში გადაიყვანა.
როგორც ადგილზე განაცხადეს, პაციენტის მდგომარეობა საკმაოდ რთული იყო.
ადგილზე მობილიზებული იყო საპატრულო და კრიმინალური პოლიციის ჯგუფები. პერიმეტრი ყვითელი ლენტით იყო შემოსაზღვრული.
მომხდარზე დაწყებულია გამოძიება.