UFC-ის სუპერმსუბუქი წონითი დივიზიონის ქართველმა ჩემპიონმა, მერაბ დვალიშვილმა ილია თოფურიას ძმის, ალექსანდრე თოფურიასთან შესაძლო ჩხუბის შესახებ ისაუბრა.
„ახლა ავსტრალიაში გავემგზავრები და ილიას ძმას მხარს დავუჭერ, მას ალექსანდრე თოფურია ჰქვია და იგი ჩვენი გაუმჯობესებული ვერსიაა. ალექსანდრე თოფურიათი ძალიან აღფრთოვანებული ვარ. არ ვიტყვი, რომ ის ილიაზე უკეთესია, მაგრამ ჩემზე უკეთესი რომ არის, ეს დანამდვილებით ვიცი. ალექსანდრე ძალიან ძლიერია, ამ წონაში ვერავინ დაამარცხებს. მას არასდროს ვეჩხუბები, მირჩევნია წონა შევიცვალო ან კარიერა დავასრულო“, – განაცხადა დვალიშვილმა.
შეგახსენებთ, ალექსანდრე თოფურია 9 თებერვალს, ავსტრალიაში, UFC 312-ზე კოდი ჰადონს დაუპირისპირდება.