400-ლარიანი ჯებირის დაზიანების საქმეზე ბრალდებულებს, ომარ ოკრიბელაშვილსა და საბა მეფარიშვილს საპროცესო შეთანხმება გაუფორმდათ.
შეთანხმების მიხედვით, ისინი დამნაშავედ იქნენ ცნობილი ნივთის ჯგუფურად დაზიანებაში და სასჯელის სახედ და ზომად განესაზღვრათ 1 წლით და 6 თვით თავისუფლების აღკვეთა პენიტნეციურ დაწესებულებაში, 1 წლით თავისუფლების აღკვეთა კი ჩაეთვლებათ პირობით მსჯავრად.
„ბრალდებულების საბა მეფარიშვილისა და ომარ ოკრიბელაშვილის მიმართ გაფორმდა საპროცესო შეთანხმება. ბრალდებულებს განემარტათ, რომ პროკურორი იშუამდგომლებს სასამართლოს წინაშე საქმის არსებითი განხილვის გარეშე განაჩენის გამოტანის თაობაზე, რომლის მიხედვითაც, საბა მეფარიშვილი და ომარ ოკრიბელაშვილი ცნობილ იქნებიან დამნაშავედ სისხლის სამართლის კოდექსის 187-ე მუხლის მეორე ნაწილის „ბ“ ქვეპუნქტით […] ბრალდებულებს საბოლოოდ განესაზღვრებათ 2 წელი და 6 თვე, საიდანაც 1 წლით და 6 თვით თავისუფლების აღკვეთა განესაზღვრებათ პენიტენციურ დაწესებულებაში , ხოლო 1 წლით თავისუფლების აღკვეთა ჩაეთვლებათ პირობითად“, – განაცხადა პროცესზე პროკურორმა.
შეგახსენებთ, რომ აქციაზე 400-ლარიანი ჯებირის დაზიანებისთვის დაკავებულ ომარ ოკრიბელაშვილსა და საბა მეფარიშვილს ბრალი სისხლის სამართლის კოდექსის 187-ე მუხლის მე-2 ნაწილის “გ” ქვეპუნქტით ჰქონდათ წარდგენილი, რაც ჯგუფურად ნივთის დაზიანებას გულისხმობს და 3-დან 6 წლამდე პატიმრობას ითვალისწინებს.
19 და 23 წლის ახალგაზრდები სამართალდამცავებმა 14 მაისს, რუსული კანონის საწინააღმდეგო საპროტესტო აქციების დროს დააკავეს.