“ხარებას“ და შინჯიკაშვილის დაპირისპირება გრძელდება – ზვიად ხარაზიშვილის დაჯგუფებამ ცეცხლი კიდევ ერთხელ გახსნა. სროლის ხმა დინამოს სტადიონის მიმდებარედ, ფიტნეს დარბაზ “ასპრიასთან“ ისმოდა. დაჭრილია ჯონი მარიდაშვილი – ინფორმაციას “ტვ პირველი” ავრცელებს.
„პირველებს“ კლინიკაში უდასტურებენ, რომ მარიდაშვილს ქვედა კიდურები ტყვიებით აქვს დაცხრილული. დაშავებული ახლაც კლინიკაშია.
მარიდაშვილი ჯონი, 33 წლის, შემოყვანილი 17 -ში ღამე, ჩაუტარდა მას ოპერაციული მკურნალობა, მდგოამრეობა დამაკმაყოფილებელია. ამოღებული იქნა უცხო სხეულები. ქვედა კიდურებზე აღენიშნება პატარ-პატარა მრავლობითი დაზიანებები“, – უთხრა „პირველებს“ ექიმმმა.
ფიტნეს დარბაზ „ასპრიას“ დაცვის სამსახური კვლავ ამტკიცებს, რომ კამერები არ მუშაობს და სისხლიან გარჩევას დარბაზის ტერიტორიაზე კატეგორულად უარყოფს.
კამერები არ მუშაობს, დაზიანებული იყო და ველოდებით, რომ აღდგეს. რას ცდილობთ ვერ ვხვდები, სისხლიან გარჩევას ხედავთ აქ?- გვეუბნებიან “ასპრიას“ მიმღებში.
ბოლო ერთ თვეში, ეს უკვე მეორე დაპირისპირებაა დაჯგუფებებს შორის ფიტნეს დარბაზ „ასპრიასთან“.
გიორგი უბილავამ ჩვენი ინფორმაციით, ქვეყანა უკვე დატოვა, რაც შეეხება მარიდაშვილს, ის კლინიკაში რჩება.