გორში, რკინიგზის სადგურის დასახლებაში ხანძარი იყო, რასაც ერთი კაცის სიცოცხლე ემსხვერპლა.
როგორც “მთავარ არხს” თვითმხილველებმა განუცხადეს, ცეცხლი რკინიგზის სადგურის შენობაში გაჩნდა.
დაღუპული, სავარაუდოდ, დაცვის სამსახურის თანამშრომელია.
ამ დროისთვის, ხანძრის გამომწვევი მიზეზები უცნობია. ადგილზე მუშაობს პოლიცია.
მომხდარზე შინაგან საქმეთა სამინისტრომ გამოძიება სისხლის სამართლის კოდექსის 187-ე მუხლის, მესამე ნაწილით დაიწყო, რაც ნივთის დაზიანებას ან განადგურებას გულისხმობს, რამაც გაუფრთხილებლობით გამოიწვია ადამიანის სიცოცხლის მოსპობა.