ექსპერტი გია ხუხაშვილი ბლიცანალიზში საუბრობს ქვეყანაში შექმნილ პოლიტიკურ ვითარებაზე და მიმოიხილავს ბიძინა ივანიშვილის შესაძლო ამოცანებს.
“ჩვენ სამწუხაროდ, ვუყურებთ როგორ აგრძლებს ხელისუფლება ძალადობას, სულ უფრო და უფრო ახალ ფორმებსა და ფიგურანტებს ვხედავთ ამ საქმეში.თუ ადრე ეს ძალადობა ხორციელდებოდა ძალოვანი სტრუქტურების მიერ ან მათთან დაკავშირებული გაუგებარი ნიღბიანების ხელით, ახლა პირადაპირ პოლიტიკოსები ჩაერთნენ ამ პროცესში და ძალადობენ ჟურნალისტებზე, პოლიტიკურ ლიდერებსა და ა.შ. შემდეგ კი სასამართლოები და ძალოვანი უწყბები ისევ და ისევ საზოგადობის წინააღმდეგ იწყებენ მუშაობას და რაც მთავარია, ეს პროცესი უკვე ქვეყნის ფარგლებსაც კი გასცდა. ჩვენ ვიცით , რომ ხელისუფლების დასმული დეპუტატების მხრიდან განხორციელდა ძალადობა მოქალაქის მიმართ. იქ უფრო მაღალი ალბათობაა იმ მდგომარეობის, რომ სამართალმა პური ჭამოს, ვიდრე აქ. ეს მეტყველებს ერთადერთ რამეზე… ბიძინა ივანიშვილს უნდოდა ავტორიტატული სახელმწიფოს მშენებლობა რუსული მოდელით, რომ შემდგომში სინქრონიზაცია ბუნებრივად მოხდეს.მაგრამ ესეც კი ვერ მოახერხეს და დღეის მდგომარეობით, ჩვენ საქართველოსგან მივიღეთ კვაზი სახელმწიფოებრივი წარმონაქმნი, გაუგებარი, მაფიოზური სტრუქტურირებით, რომელსაც ჰყავს თავისი მაფიის ჯარისკაცები ძალოვანი სტრუქტურებისა და მართლმსაჯულების სახით. ეს დეგრადაციის პროცესი, სულ უფრო და უფრო მეტად ოდიოზურ ფორმებს იღებს.
რა არის საბოლოოდ ბიძინა ივანიშვილის ამოცანა, მისი მიზანი?!ის შეგნებულად წვავს უკვე დასავლეთის ხიდებს და ქვეყანა ხდება რეგიონული მოთამაშეების საჯიჯგნი არეალი – ეს იქნება რუსეთი, ირანი, თუ თურქეთი” -ამბობს გია ხუხაშვილი