„მე რომ ქუჩაში შემაგინა ტიპმა და პასუხად შემოვცხე, საქმე აღმიძრეს პოლიტიკური დევნის მუხლით, გახარიას რამდენიმე ტიპი წიხლებით სცემდა და საქმე აღძრეს ცემის მუხლით და არა პოლიტიკური დევნის“ – ელისაშვილი

კოალიცია „ძლიერი საქართველოსთვის“ ერთ-ერთი ლიდერი, ალეკო ელისაშვილი პარტია „საქართველოსთვის“ ლიდერზე, გიორგი გახარიაზე, თავდასხმას გამოეხმაურა.

„მე რომ ქუჩაში შემაგინა ტიპმა და პასუხად შემოვცხე საქმე აღმიძრეს პოლიტიკური დევნის მუხლით. ანუ ვითომ იმ ტიპს ალი ბაბაევს პოლიტიკური ნიშნით ვეძგერე.
გიორგი გახარიას რამდენიმე ტიპი წიხლებით სცემდა და საქმე აღძრეს ცემის მუხლით და არა პოლიტიკური დევნის. ესეიგი ალი ბაბაევი პოლიტიკოსია და გიორგი გახარია არა ხო? ))))
მხნეობა და სოლიდარობა გახარიას და მხნეობა და სოლიდარობა ზვიად ქორიძეს!“ – წერს ის.

შეგახსენებთ,გახარიას გვიან ღამით, ბათუმში, სასტუმრო „შერატონში“ ფიზიკურად გაუსწორდნენ.

გავრცელებული ინფორმაციით, თავდასხმაში „ქართული ოცნების“ წევრები, მათ შორის, აჭარის უზენაესი საბჭოს წარმომადგენლები, მონაწილებდნენ.