„გაზპრომი“ ცენტრალური ოფისის თანამშრომლების შესაძლო შემცირებას ადასტურებს, – ამის შესახებ „გაზპრომის“ ოფიციალურმა წარმომადგენელმა, სერგეი კუპრიანოვმა განაცხადა.
კუპიანოვმა დაადასტურა ცენტრალური ოფისის თანამშრომელთა დაახლოებით 40%-ის შემცირების შესაძლებლობის შესახებ, თუმცა უარი თქვა დამატებითი კომენტარის გაკეთებაზე.
მანამდე, ლენინგრადის ოლქის ინტერნეტგამოცემა „47news“-მა, „გაზპრომის“ დირექტორთა საბჭოს თავმჯდომარის მოადგილის, ელენა ილუხინას მიერ კომპანიის ხელმძღვანელ, ალექსეი მილერისადმი გაგზავნილ წინადადებაზე დაყრდნობით, გაავრცელა ინფორმაცია, რომ კომპანია განიხილავს ცენტრალური ოფისის თანამშრომლების ნაწილის შემცირების შესაძლებლობას. დოკუმენტის თანახმად, „გაზპრომის“ ადმინისტრაციის რაოდენობა ბოლო 20 წლის განმავლობაში 4,1 ათას ადამიანამდე გაიზარდა და იგეგმება მისი შემცირება დაახლოებით 2,5 ათას ადამიანამდე.