აბუ-დაბიში საქართველოს მოქალაქე ლაშა გაბიტაშვილსა და პარლამენტის დეპუტატებს – ირაკლი ზარქუასა და ვიქტორ სანიკიძეს – შორის მომხდარი დაპირისპირების გამო, აბუ დაბის კანონმდებლობის მიხედვით, “ქართული ოცნების” დეპუტატებს ან თავისუფლების აღკვეთა ან დიდი ოდენობით ჯარიმა ემუქრებათ. ინფორმაციას “მთავარი არხი” ავრცელებს.
“მთავარი არხის” წყაროს ინფორმაციით, “ქართული ოცნების” წევრები, ირაკლი ზარქუა, ვიქტორ სანიკიძე და გელა სამხარაული აბუ დაბის სასტუმროდან პოლიციის თანმხლებით გამოიყვანეს და პოლიციისვე მანქანაში ჩასვეს.
როგორც ცნობილია, იმ შემთხვევაში თუ აბუ დაბის პოლიციამ საქმე ჯგუფური ძალადობის მუხლით აღძრა, “ოცნების” წევრებს 3-დან 7 წლამდე პატიმრობა ემუქრებათ, თუ ამ მუხლს დაემატება სხეულის დაზიანების მუხლიც, მაშინ სასჯელს დაემატება კიდევ ერთი ვადა, რომელიც 1-დან 3 წლამდე პატიმრობას ითვალისწინებს. გარდა ამისა, თუ საქმე აღიძრა სიტყვიერი შეურაცხყოფის მიყენებაზეც, ჯარიმა იქნება 5 000 – 50 000 დირჰამი, რაც დაახლოებით 13 000 აშშ დოლარია. ამასთან, თუ საქმე აღიძრა ქონების დაზიანებაზე [თეფშის სროლა და ა.შ.] უნდა მოხდეს ზიანის ანაზღაურება და ჩართული პირები დაჯარიმდებიან 50 000 დირჰამით. საერთო ჯამში, თუ გამოძიება სისხლის სამართლის წესით დაიწყო საქართველოს პარლამენტის ალალეგიტიმური წევრების წინააღმდეგ, მაშინ მათ 5-დან 12 წლამდე პატიმრობა ემუქრებათ.
თავდასხმის დროს დაზარალებული ლაშა გაბიტაშვილი, მმართველი პარტიის წევრების წინააღმდეგ გამოძიების დაწყებას ითხოვს და მან შესაბამისი ჩვენება უკვე მისცა.
შეგახსენებთ, გუშინ, 12 ინვარს გაბიტაშვილმა გაავრცელა კადრები, რომელიც მასსა და ზემოაღნიშნულ პარლამენტარებს შორის დაპირისპირებას ასახავდა. გაბიტაშვილი და ზარქუა ერთმანეთს სიტყვიერ შეურაცხყოფას აყენებდნენ. მოგვიანებით, აბუ-დაბიში საქართველოს მოქალაქე ლაშა გაბიტაშვილსა და პარლამენტის დეპუტატებს – ირაკლი ზარქუასა და ვიქტორ სანიკიძეს – შორის დაწყებული კონფლიქტი გაგრძელდა.
ამასთან დაკავშირებით გუშინვე ზარქუას სოციალურ ქსელში პოსტი გაავრცელა.