მამა შალვა კეკელია ანჩისხატის ტაძრის მღვდელმსახურის, დეკანოზი აკაკის (მეგრელიშვილი) გარდაცვალების ფაქტს სოციალურ ქსელში ეხმაურება და წერს:
„ჩემი უსაყვარლესი ლექტორი, ღმერთმა გაცხონოს მამა აკაკ. ერთი თვის წინ შევხვდი ანჩისხატის ტაძარში, ძალიან ბევრი ვისაუბრეთ, დამარიგა, მითხრა: “მღვდლებს ადამიანის სულების გადარჩენა გვევალებაო, უკან არასოდეს დაიხიოო, ბევრი ადამიანი შემოგვყურებს მღვდლებსო, სამაგალითონი უნდა ვიყოთ ყველაფერში და ადამიანებს ჩვენი იმედი აქვთ, რაც არ უნდა დაგაბრალონ შენ მაინც ღვთისმსახურად უნდა დარჩეო”… და კიდევ ბევ რამეზე ვისაუბრეთ ძალიან მომენატრები“, – მამა შალვა კეკელია “ფეისბუქის” პირად გვერდზე.
52 წლის დეკანოზი აკაკი, რომელიც ანჩისხატის ტაძარში მსახურობდა, კორონავირუსით გარდაიცვალა:
“52 წლის ასაკში კორონავირუსულ ინფექციას ემსხვერპლა დეკანოზი აკაკი (მეგრელიშვილი) თბილისის ანჩისხატის ტაძრის მღვდელმსახური, კოვიდთან ერთთვიანი უშედეგო ბრძოლის შემდეგ გარდაიცვალა. უფალმა ცათა სასუფეველი დაუმკვიდროს მის უკვდავ სულს!” – წერია მსოფლიო საეკლესიო სიახლენის მიერ გავრცელებულ განცხადებაში.
