ნიკუშას გაუსაძლის პირობებს უქმნიან, ფაქტობრივად, საღორეში გადამიყვანესო, – აღნიშნულის შესახებ, დაკავებული ჟურნალისტის, ნიკა კაციას ძმა, ლაშა კაცია სოციალურ ქსელში წერს.
მისივე ცნობით, ნიკას სასეირნო დრო შეუზღუდეს და მიმდინარე მოვლენებისთვის თვალის დევნების საშუალებას აღარ აძლევენ.
„ნიკუშას გაუსაძლის პირობებს უქმნიან. მას აღარ ეძლევა საშუალება, თვალი ადევნოს მიმდინარე მოვლენებს. შეუზღუდეს გასასვლელი სასეირნო დრო. დარეკვითაც ვეღარ სარგებლობს ისე როგორც აქამდე გვირეკავდა. შეუცვალეს საკანი-კორპუსი და საღორეში გადამიყვანეს ფაქტიურადო. რას ველოდო?! ამას შევეგუო?! არ ვაპირებ!!! გაბრაზებული ვარ!!! ძალინ გაბრაზებული!!!”, – წერს ლაშა კაცია.
შეგახსენებთ,რომ ჟურნალისტი ნიკა კაცია 7 დეკემბერს დააკავეს. პროკურატურა ნარკოტიკების შეძენა-შენახვას ედავება.