ჟურნალისტი ლიზა ვადაჭკორია “ფეისბუქის” პირად გვერდზე შემდეგი სახის ინფორმაციას ავრცელებს:
“ინფორმაცია, რომელიც ჯერ არ გახმაურებულა: ტრანსპორტი გაჩერდა არა მხოლოდ ეპიდსიტუაციის გამო, არამედ იმიტომ, რომ მძღოლები და მეტროს მემანქანეები ავად არიან და ფიზიკურად კადრები არ ჰყავს მუნიციპალიტეტს! ასე მითხრა ერთ-ერთი კოვიდ-საავადმყოფოს ექიმმა და ისიც დასძინა, რომ პერსონალი ფეხზე ვეღარ დგას, ჩვენც შეგვიცოდეთო.
შეუგნებელ მოქალაქეებს, რომლებიც არ იცრებიან და ღმერთის იმედზე არიან მივმართავ, გაიგეთ, რომ აცრა – არ კლავს! კოვიდი კი – მკვლელია, ნუ გარისკავთ, გაუფრთხილდით თავს! ისე კი, მომხრე ვარ აუცრელებისთვის ყველანაირი შეზღუდვის, როგორც ეს საფრანგეთში ხდება. კაფეში ვერ შეხვალ QR კოდის გარეშე.
და ეს არ არის დისკრიმინაცია, ეს არის ომი, რომელიც ვერაგმა ვირუსმა გამოგვიცხადა!
მხოლოდ ვაქცინაცია გადაგვარჩენს, ამას ის ანტივაქსერებიც აღიარებენ, ვინც ჰოსპიტალიზაცია და ჯოჯოხეთი გაიარეს!” – დაწერა ვადაჭკორიამ სოციალურ ქსელში.