ნიკა გვარამია რუსთაველის გამზირზე მთელი დღის განმავლობაში მიმდინარე აქცია-მსვლელობებს ეხმაურება და სოციალურ ქსელში ქსელში მიმართვას ავრცელებს.
“დღევანდელ მსვლელობაში მონაწილეობა არასდროს არ დამავიწყდება. აუცილებლად მთელი ცხოვრება მემახსოვრება წარმოუდგენელი ენერგეტიკა, ურთიერთსიყვარული და საერთო მიზნის მიღწევის უზარმაზარი თანაგანცდა. ეს დღე აუცილებლად ისაა, რაზეც შვილიშვილებს მოვუყვები დიდი სიამაყით. დარწმუნებული ვარ, ისინიც დიდი ინტერესით მომისმენენ და, ისინიც იამაყებენ.
მაგრამ ამ ყველაფრისთ ვის, აუცილებელია, ეს დიდი საერთო ბრძოლა სამშობლოს გადარჩენისთვის, დასრულდეს დიდი გამარჯვებით, თორემ აღარც სამშობლო იქნება, აღარც სიამაყე და არც შვილიშვილებს დააინტერესებთ დამარცხებული ბაბუა-ბებიების ტრაგიკული წარუმატებლობების უსიამოვნო ამბები, სავარაუდოდ, წუწუნით ნოყიერად შეზავებული.” – წერს ნიკა გვარამია