გავრცელებული ინფორმაციით აქციაზე დაშავებული 22 წლის ალექსანდრე თირქია კლინიკიდან გაწერეს. თავად ალექსი სოციალურ ქსელში შემდეგ მიმართვას ავრცელებს
„მოგესალმებით მეგობრებო, სასიხარულო ამბავი მაქვს, გამომწერეს ინგოროყვას კლინიკიდან. ვაგრძელებ მკურნალობას და რეაბილიტაციას, ძალიან დიდი მადლობა ყველას ყურადღებისთვის, პატივისცემისთვის და გვერდში დგომისთვის“, – წერს სოციალურ ქსელში ალექსი თირქია, აქციაზე დაშავებული ახალგაზრდა.
თირქია ანტირუსულ საპროტესტო აქციაზე 3 დეკემბერს დაშავდა. მას სახეში სპეცრაზმელის მიერ ნასროლი გაზის კაფსულა მოხვდა. ის კლინიკაში პირველ ეტაპზე მედიკამენტოზური ძილის ქვეშ იმყოფებოდა, 10 დეკემბერს კი ცნობილ გახდა, რომ ექიმებმა ის ძილიდან გამოიყვანეს და ხელოვნური სუნთქვის აპარატიდან მოხსნეს.