ოპოზიციის ერთ-ერთი ლიდერი ნიკა მელია “ტვ იმედზე” გუშინ გასულ გადაცემას გამოეხმაურა, სადაც მომღერალმა ზურა მანჯავიძემ იმ ე.წ. ბულინგზე ისაუბრა, რომელიც ბოლო დროს ორ დაპირისპირებულ მხარეს შორის პოლიტიკის გამო წარმოიშვა. მანჯავიძის თქმით, შვილებთანაც კი დიდი ძალისხმევა სჭირდება, რომ მათ არგუმენტებს დაუპირისპიროს.
მანჯავიძის თქმით, ის ვერ უხსნის შვილებს, მაგალითად ვინ იყვნენ ის შავნიღბიანი ადამიანები ვინც ჟურნალისტსა და ოპერატორს დახვდნენ. “ჩემი ვარაუდით, ეს პირადი ანგარიშსწორება იყო“ – ამბობს ტელეწამყვანი ეკო ფანგანი ეთერში. მანჯავიძე კი აგრძელებს, შვილებს ხშირად არიგებს და ისინი უსმენენ.
ნიკა მელია ამის საპასუხოდ სოციალურ ქსელში წერს : “ტვ იმედზე გუშინ გასულმა ამორალურმა დიალოგმა, 2009 წელს მომხდარი ძალადობის ფაქტი გამახსენა.
მაშინდელი ხელისუფლების მოწინააღმდეგეს, მომღერალ ზურა მანჯავიძეს და მის ძმებს, მთაწმინდაზე ხელკეტებით შეიარაღებული, ნიღბიანი ზონდერები დაესხნენ თავს, მის მიერ გამოხატული, პოლიტიკური პოზიციის გამო.
დღეს ზის, იგივე ზურა მანჯავიძე და მოძალადე რეჟიმს “რეცხავს”, მის გვერდზე მჯდომი წამყვანი კი, ზონდერების მაკა ჩიხლაძეზე თავდასხმას “პირად ანგარიშსწორებას” უწოდებს,ანუ ხელისუფლება არაფრის შუაშიაო.
Zura Manjavidzeმინიმალური ადამიანობის საკითხია – გულწრფელად სოლიდარობას უცხადებდეთ ძალადობის მსხვერპლს, მითუმეტეს როდესაც თავად გამოგიცდიათ იგივე და რეჟიმის “მრეცხავად” არ იჯდეთ პროპაგანდისტულ არხზე.
ადრეც არსებობდენ და ახლა ხომ არსებობენ და არსებობენ ადამიანები,
ვისთვისაც ხელისუფლების ძალადობა ხან ცუდია და ხან კარგი – ხელისუფლებას გააჩნია!
არც საქართველოს, არც თბილისს, ძალადობა არცერთი ხელისუფლებისთვის უპატიებია. მოძალადეების “რეცხვით” საზოგადოებაში სტატუსს ვეღარავინ შეინარჩუნებს.”