მომღერალი ლელა წურწუმია, რომელსაც კოროვირუსი დაუდასტურდა, კლინიკიდან ვიდეომიმართვას აქვეყნებს, სადაც მისი ჯანმრთელობის მდგომარეობის შესახებ საუბრობს.
“ახლა ვიმყოფები პირველ საუნივერსიტეტო კლინიკაში, ნორმალურად ვარ. საკმაოდ მძიმედ შემოვედი, იმიტომ რომ გამიჭირდა სუნთქვა, ყელი გასივდა შიგნიდან და გარედან, ორი დღე ვებრძოლე, მაგრამ ბოლოს მივხვდი, რომ სხვა გზა არ მქონდა და უნდა მოვსულიყავი სტაციონარში და ვფიქრობ, სწორი გადაწყვეტილება მივიღე. ორჯერ ვარ აცრილი და ამან ძალიან გაადვილა მკურნალობა და ფაქტობრივად, ნახევარ დღეში უკვე ფეხზე დამაყენეს ამ საოცარმა ექიმებმა.
არ ვიცი, რის ფასად აკეთებენ ამ ყველაფერს. ლევან რატიანს ჰყავს უმაგრესი გუნდი და მადლობა ამ თავდადებისთვის. დიდი მადლობა თქვენ, ვინც მგულშემატკივრობთ, ჩემო ძვირფასებო”,- ამბობს ლელა წურწუმია.
ამასთან, მომღერალმა გულშემატკივრებს მოუწოდა, რომ ბოროტი ადამიანების კომენტარები ყურადღების მიღმა დატოვონ.
“ჩემო მაგარო ადამიანებო, დიდი მადლობა ამხელა მხარდაჭერისთვის…. ჩემი თხოვნააა, ნუ მიაქცევთ ყურადღებას ამ ბოროტი ადამიანების კომენტარებს… მთავარია, თქვენ ხართ ძალიან , ძალიან ბევრნი! ყველაფერი კარგად იქნება! მიყვარხართ!,” – წერს ლელა წურწუმია “ფეისბუქის” გვერდზე.
ცნობისთვის, მომღერალ ლელა წურწუმიას კორონავირუსი დაუდასტურდა. მისი ჯანმრთელობის მდგომარეობის გართულების შემდეგ ის პირველ საუნივერსიტეტო კლინიკაში მოათავსეს.