“პირველებმა” მოიპოვა ექსკლუზიური კადრები, სადაც ჩანს, როგორ აიყვანეს ვაკეში, სამოქალაქო ფორმაში ჩაცმულმა პირებმა ანალიტიკურ-კვლევითი ცენტრის, „რონდელის ფონდის“ მკვლევარი, ვატო ბჟალავა. ვიდეომასალაში ჩანს, რომ ის პოლიციის მანქანითაც კი არ იყვენეს.
კადრებში ჩანს, რომ კაცი პოლიციელებს წინააღმდეგობასაც არ უწევს.
ცნობისთვის, ვატო ბჟალავა მსახიობების საპროტესტო აქციაში მონაწილეობდა. ასევე, მონაწილეობდა საპროტესტო აქციაში, რომელიც რამდენიმე დღის წინ იუსტიციის სახლში გაიმართა და სადაც სერვისის მისაღებად მისულ მოქალაქეებს და იუსტიციის სახლის თანამშრომლებს გაფიცვისა და პროტესტისკენ მოუწოდეს.
გუშინ, 11 დეკემბერს ვატო ბჟალავა მაგისტრატი მოსამართლის თანდასწრებით გამოიკითხა სისხლის სამართლის საქმეზე, რომელზე გამოძიებაც 225-ე და 239/1 მუხლებით მიმდინარეობს.
ცნობილი ხდება, რომ დაკავებულების წინააღმდეგ რამდენიმე საათის წინ პოლიციამ უსასტიკესი მეთოდები გამოიყენა – რონდელის ფონდის მკვლევარი ჯერ გაიტაცეს, შემდეგ კი პოლიციის განყოფილებაში სასტიკად გაუსწორდნენ.