100-მდე მცირე მეწარმე საშობაო ბაზრობაში მონაწილეობაზე უარს აცხადებენ. ამას მცირე მეწარმეები Facebook ჯგუშ “დაიტოვეში” ადასტურებენ.
მეწარმეებს სია მზარდია და მას სხვა პატარა ბიზნესები ემატებიან: დრაკარი.Drakkar, მანსარდი, ლილე, Winess•ვაინეს, ალტერსოქსი, Lampino, ნარი კერამიკის სტუდია-Nari Ceramic Studio, Red • წითელი, Buera•ბუერა, Maqmani Wood, comfortable, Kaluka, Geoposter, არადაკი, პარადოქსი, სიო, Katanakata-კატანაკატა, Ubralo. უბრალო, ზიზილა, Cone ceramic, კერამიკო, Dedeco, Siba’s Art, WoodTiness • ვუდთინს, ინდიგოფერა • Indigofera და სხვა.
მაგალითად, WoodTiness • ვუდთინს-ი წერს, რომ ამ ეტაპზე საზეიმო დრო არ არის და კომპანია არცერთ საახალწლო ღონისძიებაზე მონაწილეობას არ მიიღებს.
“ჩვენი ადგილი ევროპაშია. წლების განმავლობაში მთელი ჩვენი ენერგიით და ძალებით ვიზრდებით და ვიბრძვით უკეთესი საქართველოსთვის. მიუხედავად იმისა, რომ ყველა მეწარმისთვის საგამოფენო ღონისძიებები ძალიან მნიშვნელოვანია განვითარებისთვის, ვფიქრობთ, რომ, ამ ეტაპზე საზეიმო დრო ნამდვილად არ არის. შესაბამისად 6 წლის მანძილზე, პირველად ვუდთინსი წელს არცერთ საახალწლო ღონისძიებაზე მონაწილეობას არ მიიღებს. ჩვენი პროდუქციის შეძენას შეძლებთ ონლაინ”, – წერს WoodTiness • ვუდთინს-ი.