ტელეკომპანია “მთავარი არხის” ჟურნალისტები გაესაუბრნენ იმ სპეცრაზმელების მშობლებს, რომლებიც მათივე გამოქვეყნებულ აქციის დარბევაში მონაწილე სამართალდამცველების სიაში აღმოჩნდნენ.
“გორში, საზღვარზე იმყოფება, ბოლოს წუხელ ველაპარაკე. არ არის რობოკოპი”- ამბობს ერთ-ერთი სპეცრაზმელის მამა.
“ჩემი შვილი მივლინებაში იყო. ამ დღეებში მიტინგზე საერთოდ არ ყოფილა. კი, არის გამოქვეყნებულ სიაში მისი სახელიც,მაგრამ მივლინებაში რომ იყო? გუშინ მოვიდა მივლინებიდან, საოკუპაციო ხაზიდან, ექვსი დღე იმყოფებოდა მივლინებაში. რაც მიტინგები დაიწყო, არ ყოფილა ჩემი შვილი. ღმერთის წინაშე ვიძახი, რომ ჩემი შვილი მიტინგზე არ ყოფილა და ხელიც არავისთვის დაუკარებია. ჯერ ჩემი შვილიშვილის ტოლებს რა უნდა მიტინგზე? მე ჩემს შვილიშვილს მიტინგზე წავიყვან?. ყველა ისეთი მოძალადე ხომ არ არის რომ გაუსწორდნენ? გინდ სპეცრაზმი და გინდ თავისუფალი მოქალაქე”- ამბობს ერთ-ერთი სპეცრაზმელის დედა.
შეგახსენებთ, რომ “მთავარმა არხმა” იმ სპეცრაზმელების სია გამოაქვეყნა, რომლებიც დარბევაში შესაძლოა მონაწილეობდნენ.