“ახალგაზრდა და ჯანმრთელი ვარ, ამ ეტაპზე საჭიროდ არ ვთვლი, აცრა გავიკეთო – მამა შალვა კეკელია

ძალიან ჯანმრთელი, ახალგაზრდა ვარ, ეს აცრა რომ ჩემგან სხცა იცავდეს, ყოველ კვირას გავიკეთებდი. მუდმივად ვიტესტები, ამ ორი წლის განმავლობაში არცერთხელ არ დამიდასტურდა ეს ვირუსი, ამიტომ ამ ეტაპზე არ ვთვლი საჭიროდ, აცრა გავიკეთო,” – ასე უპასუხა მამა შალვა კეკელიამ “მიქს.მეტრონომის” კითხვას, აპირებს თუ არა ვირუსის საწინააღმდეგო ვაქცინის გაკეთებას.

“მთელი ამ ორი წლის განმავლობაში ძალიან ბევრ კორონიანთან მქონდა შეხება, თვითიზოლაციაში 5-ჯერ ვიყავი და ეს ვირუსი არცერთხელ არ დამიდასტურდა. ძალიან ბევრჯერ 100%-იან გადამდებებთან მქონდა კონტაქტი და ერთხელაც არ გადამედო ეს დაავადება. ამიტომ ამ ეტაპზე პირადად მე ვერ ვხედავ საჭიროებას რატომ უნდა გავიკეთო აცრა?! – აი, ათასი პროცენტით რომ უნდა გადამდებოდა, არ გადამდებია.

სულ ხალხს ვემსახურები და სულ ღვთის მსახურებაში ვარ, ამიტომ რადგან ჩემს ორგანიზმს ეს იმუნიტეტი აქვს, რომ ვირუსი არ დამემართოს, (ამ ეტაპზე ასე ჩანს, ხვალ და ზეგ როგორ იქნება არ ვიცი…) ჩემთვის აცრის საჭიროებას ვერ ვხედავ. ძალიან ჯანმრთელი ვარ, ახალგაზრდა ვარ.  

კვირაში ერთხელ ვიკეთებ PCR -ტესტს, ამ ეტაპზე არ ვთვლი საჭიროდ, რომ აცრა გავიკეთო,” – განუცხადა მამა შალვა კეკელიამ “მიქს.მეტრონომს.”