აქცია რამდენიე ლოკაციაზე მიმდინარეობს, მათ შორის თავისუფლების მოედანზე. შეკრებილებს სხვადასხვა შინაარსის ბანერი აქვთ თან.
გარდა ამისა, მეტრო „თავისუფლებასთან“ ხმაური იყო. აქციის მონაწილეების თქმით, სამართალდამცველები მეტროდან ამოსულ მოქალაქეების ჩხრეკდნენ.
ერთ-ერთი მსგავსი შემთხვევის დროს, მოქალაქე მათ შეეპასუხა, რის გამოც სამართალდამცველებმა რამდენიმე ადამიანი დააკავეს.
მათი დაკავების პროცესში მოქალაქეები სამართალდამცველებს დაუპირისპირდნენ, რასაც ხმაური მოჰყვა. ამ დროისთვის ტერიტორიაზე ვითარება განმუხტულია.
ამასთან, თავისუფლების მოედანზე სპეცრაზმის მობილიზება ხდება. ადგილზე განლაგებულია წყლის ჭავლის მანქანებიც.
იხილეთ “მეტრონომის” მასალა ადგილიდან.
თბილისში საპროტესტო აქცია უკვე მე-7 დღეა მიმდინარეობს. მოქალაქეების პროტესტი ხელისუფლების განცხადებას მოჰყვა, რომლის მიხედვითაც, ევროკავშირთან მოლაპარაკებების გახსნის საკითხი 2028 წლამდე დღის წესრიგში არ დადგება.
