ბათუმში მოსულმა ძლიერმა წვიმამ შეფერხებები გამოიწვია – დაიტბორა ქუჩები, საცხოვრებელი სახლების სარდაფები და მიწის ნაკვეთები. გუშინდელი სტიქიის შემდეგ მოსახლეობა წვიმის შედეგად არსებულ პრობლემებს ებრძვის.
ყველა პრობლემურ ლოკაციაზე მობილიზებულია ბათუმის მერიის შესაბამისი სამსახურები. უხვი ნალექის შედეგად მიყენებული ზიანის სალიკვიდაციო სამუშაოებს ბათუმის მერი არჩილ ჩიქოვანი გაეცნო.
შეგახსენებთ, რომ გუშინ სოციალურ ქსელში გავრცელდა ვიდეო, სადაც ჩანდა, რომ ადიდებულ წყალში მანქანები იძირებოდნენ. დაიტბორა თითქმის ყველა ქუჩა და მათ შორის, აღმაშენებლის გამზირიც.