ლაშა ტალახაძემ კიდევ ერთ მოქალაქეს მიაყენა სიტყვიერი შეურაცხყოფა.
როგორც მოქალაქე ლუკა ჯაბუა „პუბლიკასთან“ ამბობს, ტალახაძემ მას პირად მიმოწერაში შეაგინა. შემდეგ „ქართული ოცნების“ პარლამენტის დეპუტატმა ის „დაბლოკა“.
ლუკა ჯაბუას გაზიარებული ჰქონდა ტალახაძის მიერ კიდევ ერთი მოქალაქის მიმართ მიწერილი შეურაცხმყოფელი ტექსტის ამსახველი ინფორმაცია. სწორედ ამის შემდეგ ტალახაძემ მასაც მისწერა და შეაგინა.
ეს არ არის პირველი შემთხვევა, როდესაც მოქალაქე ამბობს, რომ „ოცნების“ პარლამენტის წევრმა, ლაშა ტალახაძემ მოქალაქეს შეურაცხყოფა მიაყენა.
publika.ge