თბილისში ქალის ცხედარია აღმოჩენილი – მას მრავლობითი დაზიანებები მთელს სხეულზე სავარაუდოდ ნაჯახით აქვს მიყენებული.
ცხედარი მეზობლებმა ქალის საცხოვრებელ სახლში რამდენიმე დღიანი გაუჩინარების შემდეგ იპოვეს. პოლიცია მოკლულის შვილმა მას შემდეგ გამოიძახა, რაც დედას ვერ დაუკავშირდა. სახლში შესულ სამართალდამცავებს კი ადგილზე საზარელი სურათი დახვდათ.
მოკლული მოვაჭრე იყო და რამდენიმე ობიექტი ჰქონდა გაქირავებული.
რა გახდა მკვლელობის მოტივი უცნობია, მაგრამ მეზობლები ვარაუდობენ, რომ სავარაუდო დამნაშავე ქალს კარგად იცნობდა.
მკვლელობაში ბრალდებული დაკავების შესახებ გომელაურის უწყებას ინფორმაცია ჯერ არ გაუვრცელებია.
წყარო:ტვ პირველი