ქალთა უფლებადამცველი ბაია პატარაია გასულ წელს მომხდარი დანაშაულს სოციალურ ქსელში ეხმაურება, რომლის მიხედვით, სექსზე უარის გამო კაცმა ქალი დანით მოკლა, მას 35 ჭრილობა ჰქონდა მიყენებული. როგორც პატარია წერს, ამ ქვეყნის მთავარი პრობლემა უსექსობაა და აღნიშნავს, რომ ერს სექსუალური რევოლუცია სჭირდება.
“უსექსობა არის ამ ქვეყნის მთავარი პრობლემა. აბა, დააკვირდით: ქალებს კლავენ სექსის გამო (თუ უარს ეუბნება ან სხვასთან აქვს); გეებს დასდევენ სექსის გამო (არ მოსწონთ მათი სექსი); პოლიტიკოსებს და ჟურნალისტებს აშანტაჟებენ სექსით (ფარული ჩანაწერები სულ სექსზეა); ქალიშვილობის ინსტიტუტი უნდათ ქალებისთვის სექსის ასაკრძალად, მაგრამ მერე უქალებოდ კაცებსაც აღარ აქვთ სექსი და არიან გაცოფებულები;
პრემიერი კვირიკაშვილი განცხადებას აკეთებდა ქართველი კაცების ბორდელში არშეშვებაზე (ანუ ქვეყნის უმაღლესი პირი წუხდა სხვისი კომერციული სექსის შესაძლებლობების შეზღუდვის გამო); ყველა შევიწროების შესახებ სკანდალს საფუძვლად უდევს კაცების უკულტურობა და უცოდინრობა, მიიღონ სექსი ქალისგან;
ეკლესიის მთავარი სკანდალები არის სექსის გამო (იქნება ეს ჰომოსექსუალობა თუ პედოფილია). გაუპატიურება არის ფარული, მაგრამ უკიდურესად გავრცელებული ძალადობის ფორმა ამ ქვეყანაში.
მოკლედ, ამ ქვეყნის მთავარი პრობლემა არის უსექსობა. სასაცილო იქნებოდა, ძალიან სატირელი რომ არ იყოს შედეგები.
დასკვნა: ერთი დიდი სექსუალური რევოლუცია სჭირდება ერს, რომ ყველა დაოკდეს, ყველა დაკმაყოფილდეს, ყველა გაბედნიერდეს, არავინ აღარ მოკლან და სამუდამოდ დასრულდეს გაბოროტებული “აზაბოჩენობა” ერისა. ბოდიში ამდენი პირდაპირობისთვის, მაგრამ ეს უნდა მეთქვა,” – წერს პატარია “ფეისბუქის” პირად გვერდზე.