“თუშა, ვამაყობთ” – ნახეთ, როგორ ულოცავს კახა კალაძე გურამ თუშიშვილს ვერცხლის მედალს

ტოკიო 2020-ის ოლიმპიურ თამაშებზე მძიმეწონოსანი ძიუდოისტი გურამ თუშიშვილი ფინალში ჩეხ ლუკას კრპალეკთან დამარცხდა და ვერცხლის მედალს დაეუფლა.​

ფინალის საგზურისთვის მან რუსეთის წარმომადგენელი ტამირლან ბაშაევი დაამარცხა. მანამდე კი ტაჯიკ ტემურ რახიმოვს სძლია.

ქართველ ძიუდოისტს ვერცხლის მედალის მოპოვებას თბილისის მერი კახა კალაძე “ფეისბუქის” პირადი გვერდის მეშვეობით ულოცავს:

“კიდევ ერთი ვერცხლი… თუშა, ვამაყობთ და გილოცავთ!” – წერს კალაძე სოციალურ ქსელში.

გურამ თუშიშვილმა საქართველოს ტოკიოს ოლიმპიადაზე მეოთხე მედალი მოუპოვა. საქართველოს ნაკრების ანგარიშზე უკვე ერთი ოქროსა და სამი ვერცხლის მედალია. ოლიმპიადის გამარჯვებული 21 წლის ძიუდოისტი ლაშა ბექაურია, ვერცხლის მედლები კი გურამ თუშიშვილმა, ვაჟა მარგველაშვილმა და ლაშა შავდათუაშვილმა მოიპოვეს.

https://mix.metronome.ge/19495-2/