16 და 19 ნოემბერს, საქართველოს ნაკრების უეფას ერთა ლიგის მატჩების ყურება გულშემატკივარს რესპუბლიკის მოედანზე შეეძლება – ამის შესახებ დედაქალაქის მერმა კახა კალაძემ თბილისის მტავრობის სხდომაზე ისაუბრა.
“16 ნოემბერს გაიმართება უეფას ერთა ლიგის შეხვედრა საქართველოსა და უკრაინის ნაკრებებს შორის, ასევე არის მეორე შეხვედრა 19 ნოემბერს, სადაც საქართველოს ნაკრები ითამაშებს გასვლით მატჩს ჩეხეთში. თბილისელ გულშემატკივარს, ვინც ვერ ახერხებს შეხვედრაზე დასწრებას, ფეხბურთის ფედერაციასთან ერთად, მინდა შევთავაზო რესპუბლიკის მოედანზე მოწყობილი სივრცე, სადაც დამონტაჟდება დიდი ეკრანები” – თქვა კალაძემ.