როგორც მუსიკალურ სფეროში გავლენიანი და გემოვნებიანი პროდიუსერები და მუსიკათმცოდნეები ამბობენ, სულ მალე ქართულ შოუ-ბიზნესში ახალი სახე გამოჩნდება და ეს, არც მეტი, არც ნაკლები, მოდელი ნეკა დოროყაშვილი იქნება. როგორც თავად ამბობს, ალბომზე მუშაობა უკვე დაწყებული აქვს, სტუდიაში წერს სიმღერებს და არა მარტო საქართველოს, არამედ ქვეყნის გარეთაც აპირებს, სასიმღერო კარიერაში მყარი ნაბიჯები გადადგას. ცოტა ხნის წინ ნეკა ქართულ სერიალ „მარჯვენა სანაპიროშიც“ გამოჩნდა.
მოდელი და მსახიობი ამბობს, რომ ბავშვობიდან უნდოდა მომღერალი გამოსულიყო, მაგრამ სამოდელო კარიერა არჩია.
“პატარა ასაკში მინდოდა, მომღერალი ვყოფილიყავი, მქონდა მიკროფონი, მუსიკაზეც დავდიოდი და სახლში მასწავლებელიც მოდიოდა. მასწავლიდა პიანინოზე და გიტარაზე დაკვრას და ერთად ვმღეროდით. სხვათა შორის, შვიდი წლის ასაკში, თავადაც ვწერდი სიმღერებს.”
ნეკას თქმით, ყველაფერი რაც აქამდე გააკეთა, სწორედ იმიტომ იყო, რომ დღევანდელ დღემდე მოსულიყო და ამ წარმატებისთვის მიეღწია. ისაუბრა ასევე თავის ალბომზეც.
“რეალურად, აქამდე მოსასვლელად გავაკეთე ის ყველაფერი, რაზეც ზემოთ ვისაუბრე. ყველა სიმღერა, რომელიც ჩემს ალბომში შევა, ჩემს რეალურ ისტორიასა და ცხოვრებაზეა და ყველა სიმღერის ტექსტი ჩემი დაწერილია.”
წყარო:თბილისელები