გორის სასამართლომ 15 უბანზე ბათილი ბიულეტინების გადათვლის შესახებ ISFED-ის სარჩელი დააკმაყოფილა – გადაწყვეტილება მოსამართლე ნინო გერგაულმა მიიღო.
მანამდე, გორის სასამართლოში განიხილებოდა საარჩევნო უბნების შედეგების გაბათილებასთან დაკავშირებით ახალგაზრდა იურისტთა ასოციაციის სარჩელიც, რომელიც მოსამართლე დავით პაპუაშვილმა არ დააკმაყოფილა.
საია სარჩელით გორში 69 უბნის ხოლო კასპში 26 სარჩვენო უბნის შედეგების გაბათილებას ითხოვდა. არასამთავრობო ორგანიზაციის განცხადებით, კონკრეტული მტკიცებულებებით დასტურდება, რომ საარჩევნო პროცესის დროს ხმის მიცემის ფარულობა დაირღვა, მოხდა ამომრჩეველზე ზეწოლა და მათი მოსყიდვა.
ამასთან, თეთრიწყაროს სასამართლომ ხმის ფარულობის დარღვევა დაადასტურა და მოსამართლე ვლადიმერ ხუჭუამ საიას სარჩელი დააკმაყოფილა. საის ცნობით, სასამართლომ თეთრიწყაროს და წალკის ელექტრონულ უბნებზე შედეგები გააბათილა.