კულტურის მინისტრ თეა წულუკიანის მიერ “მთავარი არხის” ჟურნალისტისთვის მიკროფონის წართმევასთან დაკავშირებით პრემიერმა ირაკლი ღარიბაშვილმა განაცხადა, რომ მან არ იცის რა მოხდა. თუმცა, მან ისიც აღნიშნა, რომ წულუკიანის ქმედება დანაშაული არ არის.
პრემიერმა ჟურნალისტებს მოუწოდა “სიყალბე და ძალადობა” დაასრულონ.
“მთავარი არხის” ჟურნალისტის კითხვაზე, როდის დაუბრუნდება ტელევიზიას კუთვნილი მიკროფონი, ღარიბაშვილი პასუხობს:
„იცით რა არის? თქვენი მიკროფონი, არ ვიცი, რა ხდება, რა მოხდა… გასაგებია. ეს ძალადობა და ეს სიყალბე უნდა დაასრულოთ თქვენ. პირადად თქვენ კი არ გეუბნებით, ელაპარაკები იმ ადამიანებს, ვინც არიან თქვენი მმართველები. სამწუხაროა, რომ ტელევიზიები გადაიქცნენ უკვე პარტიული ორგანიზაციების დანაყოფებად. ეს არ არის დანაშაული, დანაშაულია ის, რასაც სჩადიოდა თქვენი დამფინანსებელი სააკაშვილი და მისი გუნდი”, – განაცხადა პრემიერმა.