ჟურნალისტი ნინო შუბლაძე დაქორწინდა. მისი რჩეული შინაგან საქმეთა სამინისტროს ყოფილი მაღალჩინოსანი, ვალერი თელიაა. სასიხარული ამბავს ჟურნალისტი “ფეისბუქის” პირად გვერდზე თავად ავრცელებს.
“რა აღარ მოხდა ჩემს ცხოვრებაში ამ ბოლო პერიოდში… ამდენი ტკივილის და ცუდის მერე – ერთი კარგი ამბავიც მაქვს. როგორც იქნა, დავიყარეთ თავი ერთად და გავხდით ასე დიდი ოჯახი, მე ვალერი და ჩვენი უსაყვარლესი ბევრი შვილი”, – წერს ჟურნალისტი სოციალურ ქსელში და აქვეყნებს მის რჩეულეთან ერთად გადაღებულ ფოტოს, რომელიც მისმა დამ, სოფო შუბლაძემ გადაიღო. სამწუხაროდ სოფო ცოტა ხნის წინს კორონავირუსთან ბრძოლაში დამარცხდა.
