პარტია გახარია-საქართველოსთვის ერთ-ერთი ლიდერი, ნათია მეზვრიშვილი სოციალურ ქსელში წერს, რომ გარკვეული დაჯგუფება სახლში შეუვარდა ლია ყოჩიშვილის მოხუც მამას და სასტიკად გაუსწორდა. ის შინაგან საქმეთა სამინისტროს შესაბამისი მოქმედებისკენ მოუწოდებს.
“ჩვენს თანაგუნდელს, ლია ყოჩიშვილს კორუმპირებული ფეოდალის, დიმიტრი ხუნდაძის დაჯგუფება, კორუფციაში მხილების გამო, მანქანას რომ აჯახებდა, ხომ გახსოვთ? პოლიციას რეაგირება ამ დრომდე არ ჰქონია.
მკვლელობის მცდელობიდან რამდენიმე დღეში, ლია ყოჩიშვილის დედას დაესხნენ თავს. დღეს კი იგივე დაჯგუფება ლია ყოჩიშვილის მოხუც მამას სახლში შეუვარდა და პირდაპირ ლოგინში სასტიკად გაუსწორდა.
შსს, პროკურატურა – დანაშაულის თანამონაწილეები ხართ.
იმოქმედეთ, სანამ ტრაგედია დატრიალდება” წერს Facebook-ზე ნათია მეზვრიშვილი.