“გახარია არ მივიდა პრეზიდენტთან. რა სამარცხვინოა მისი დაპირებები და ჩემი იმედები რომ ეს კაცი, არ მეგონა 41.
შეგახსენებთ, რომ პრეზიდენტი სალომე ზურაბიშვილი, ორბელიანების სასახლეში, ოპოზიციური პარტიების ლიდერებს შეხვდა. პრეზიდენტმა განაცხადა, რომ ის ჩატარებული არჩევნების შედეგებს არ აღიარებს და ხვალ, საღამოს 19:00 საათზე რუსთაველის გამზირზე აქცია დააანონსა იმისათვის, რომ ქართველმა ხალხმა საკუთარი კონსტიტუციური უფლება დაიცვას და გაყალბებული არჩევნები დაიბრუნოს.
სალომე ზურაბიშვილთან შეხვედრაზე იმყოფებოდნენ “კოალიცია ცვლილებისთვის” ლიდერები ნიკა მელია, ნიკა გვარამია, ელენე ხოშტარია და ზურაბ გირჩი ჯაფარიძე. სალომე ზურაბიშვილთან მივიდა კოალიცია “ძლიერი საქართველოს” ერთ-ერთი ლიდერი ანა დოლიძეც. ასევე პრეზიდენტის ადმინისტრაციის შენობაში არიან “ერთიანობა – ნაციონალური მოძრაობის” ლიდერები თინა ბოკუჩავა, კობა ნაყოფია და გიორგი ვაშაძე.
გიორგი გახარია აუდიენციაზე არ იმყოფებოდა, მაგრამ მას ესწრება “გახარია – საქართველოსთვის” ერთ-ერთი ლიდერი, დიმიტრი ცქიტიშვილი, თუმცა საზოგადოების ნაწილის აღშფოთება სწორედ იმან გამოიწვია, რომ ოპოზიციისა და პრეზიდენტის შეხვედრას თავად პარტიის ლიდერი, გიორგი გახარია არ დასწრებია.