“კოალიცია ცვლილებისთვის” ერთ-ერთმა ლიდერმა, ნიკა გვარამიამ საარჩევნო პროცესთან დაკავშირებით, პირველი საინფორმაციო ბრიფინგი გამართა და აღნიშნა, რომ 2012 წლის შემდეგ, ამომრჩეველთა უპრეცედენტოდ მაღალ აქტივობაზე ისაუბრა
“ჩვენი პირველი განცხადება არის ძალიან დამაიმედებელი. უპრეცედენტო აქტივობაა. ამ წუთისთვის აქტივობა 9, 5%-მდეა, რაც საქართველოს ისტორიაში ყველაზე მაღალი პროცენტია 2012 წლის არჩევნების შემდეგ. მაშინ აქტივობა იყო დაახლოებით 10%. სხვაობა თითქმის არ არის. ოდნავ დაბალია აქტივობა დასავლეთ საქართველოში იმიტომ, რომ ძალიან წვიმს, მაგრამ ეს წვიმა გადაიღებს სამისთვის, როგორც ვხედავთ ამინდის პროგნოზით. არჩევნები ქართულ ოცნებას პრაქტიკულად, უკვე წაგებული აქვს, ბიძინა ივანიშვილის კომენტარიც ამას თვალნათლივ აჩვენებს. თუ ასე გაგრძელდა დინამიკა ხმის მიცემის, 2 მილიონ 200 ათასზე მეტი ამომრჩეველი მოვა, რაც გარანტირებულად ნიშნავს ქართულ ოცნების დამარცხებას” -განაცხადა ნიკა გვარამიამ.