ზღვის უბნის ტერიტორიაზე მცხოვრებლებს ახალი რეკრეაციული სივრცით სარგებლობა უკვე 20 ოქტომბრიდან შეუძლიათ.
თემქის ხევის პარკის რეაბილიტაციისთვის 40 მილიონი ლარი გამოიყო, რეაბილიტაცია სამი წლის განმავლობაში მიმდინარეობდა.პარკი, 25 ჰექტარზეა გაშენებული. პროექტის ფარგლებში მოეწყო სანიაღვრე და სარწყავი სისტემა.
დამონტაჟდა გარე განათების ქსელები. მოეწყო ფეხბურთის და კალათბურთის მოედნები. პარკის ტერიტორიაზე გაკეთდა ორი ხელოვნური ტბა. პარკის გახსნიდან მეორე დღეს, სოციალურ ქსელში გავრცელდა ფოტო მასალა, სადაც ასახულია უკვე დაბინძურებული ხელოვნური ტბა.
მომხდარს სოციალურ ქსელში მოქალაქეების დიდი გამოხმაურება მოჰყვა.
