ავტოსაგზაო შემთხვევა მოხდა დღეს, 22 ოქტომბრის დილით ბათუმში, ბაგრატიონისა და აღმაშენებლის ქუჩების კვეთაში. ერთმანეთს მუნიციპალური ავტობუსი და სატვირთო ავტომანქანა შეეჯახა.
შინაგან საქმეთა სამინისტროს ინფორმაციით, გამოძიება დაიწყო სს კოდექსის 276-ე მუხლით.
შემთხვევის ადგილიდან გავრცელებულ ვიდეოში ადგილზე გამოძახებული სასწრაფო-სამედიცინო დახმარება ჩანს, თუმცა პრესსამსახურის თქმით, გამოძახების შესახებ ჯერჯერობით ინფორმაცია არ აქვს.
გავრცელებული ინფორმაციით, მსუბუქად დაშავდა ერთი პირი.
წყარო: batumelebi.ge