ჟურნალისტი ნანუკა ჟორჟოლიანი “ქართული ოცნების” საარჩევნო კლიპს ეხმაურება, სადაც ქართველებისთვის კარგად ნაცნობილი ცნობილი ადამიანები მონაწილეობენ, მათ შორისაა ლუკა ლოჩოშვილი, გიორგი გველესიანი, ოთარ კიტეიშვილიც და ოთარ კაკაბაძეც.
“ბოლოს არ ვიცი ისე რა გამიტყდა, როგორც ლოჩოშვილის ნახვა ქოცების კლიპში. არცერთი სხვა, კიტეც კი არ გამიტყდა ეგრე. აი ლოჩოშვილი როგორ გახდა მაგ პარტიის საკუთრება როცა ახალგაზრდა ხარ და შენს საქმეს ძალიან მაგრად აკეთებ, რა ჯანდაბად უნდა გინდოდეს ნებისმიერი პარტია და განსაკუთრებით ახლა, ამ რეალობაში, ქართული ოცნება.ვაახ, ძაან გამიტყდა,” – წერს ჟურნალისტი.
„ქართულმა ოცნებამ“ დღეს, 21 ოქტომბერს საარჩევნო კლიპი წარადგინა, რომელშიც სხვადასხვა სფეროს წარმომადგენლები, მათ შორის ეროვნული საფეხბურთო ნაკრების წევრები მონაწილეობენ.
ვიდეო რგოლში მონაწილეობენ სპორტსმენები – სანდრო ბაზაძე, ლაშა ბექაური, ოთარ კაკაბაძე, ოთარ კიტეიშვილი, გიორგი გველესიანი, ლუკა ლოჩოშვილი, ასევე, საქართველოს სარაგბო ნაკრების ყოფილი კაპიტანი, მამუკა გორგოძე.