თამუნა მუსერიძე სოციალურ ქსელში აქტიურად საუბრობს საკუთარ რეალურ ისტორიაზე, გაშვილების პირობებსა და ბიოლოგიურ მშობლებთან შეხვედრის დეტალებზე. მან საკუთარ გამომწერებს პასუხი გასცა ყველა იმ შეკითხვაზე, რომელიც ბოლო რამდენიმე კვირაა აქტიურად ისმის საზოგადოებაში. მუსერიძე მეტი სიცხადისთვის ვიდეომიმართვის ჩაწერასაც აპირებდა, რომელშიც დეტალურად ახსნიდა მის ბიოლოგიურ დედასთან შეხვედრის პროცესს, თუმცა როგორც ჟურნალისტი ამბობს, ამაზე უარი მხოლოდ ბიოლოგიური მამის სურვილით თქვა.
“მამას ველაპარაკე, მოვუყევი, რასაც ვაპირებდი. ვერ ვხვდები როგორ შეიძლება ადამიანი იყოს ასეთი შემწყნარებელი. მითხრა, შეუნდე, არ ღირს შენი ნერვების ფასად, ღმერთი ყველას პასუხს გასცემსო… სჯობს ამ ეტაპზე ყურადღება არ მიაქციო, შეუნდო და მოუთმინო, თვითონვე მიხვდებიან რა შეცდომა დაუშვესო… მართლა ერთადერთი რამ, რასაც ვითვალისწინებ არის მამის აზრი, რომელმაც მითხრა, რომ შემწყნარებელი უნდა ვიყო… ვერ წარმოიდგენთ რამხელა ტყუილები იწერება კომენტარებში ფეიკ ექაუნთების მიერ.” – ამბობს მუსერიძე ვიდეოში.