“ტირილს დაიწყებს… არც იმ მომენტში ცვლიდა რამეს, არც ახლა ცვლის და არც შეცვლის” – ჩერგოლეიშვილი

ჟურნალისტი თამარ ჩერგოელიშვილი “ფეისბუქის” პირად გვერდზე წერს:

“ჟურნალისტო მეგობრებო.
“პოსტივიც” და “იმედიც” არის ბიძინა ივანიშვილის პროპრაგანდისტული არხები.
ის რომ რამდენიმე თანამშრომელი აქციაზე მოვიდა, არც იმ მომენტში ცვლიდა რამეს, არც ახლა ცვლის და არც შეცვლის.

ეს არხები კვლავინდებურად იკადრებენ ყველაფერს, რის კადრებასაც რეჟიმი მოსთხოვს.
რეჟიმი რომ დაემხობა, თანამშრომლების მნიშვნელოვანი ნაწილი ტირილს დაიწყებს, რომ აძალებდნენ საზიზღრობების კეთებას (მინახავს და მომისმენია ჩემი თვალით და ყურით როცა რეჟიმი იცვლება რეჟიმის ყურმოჭრილი მოსამსახურეები რეებს კადრულობენ).

კარგი მოქალაქეობა არ განისაზღვრება პროფესიით, პარტიით, ტელევიზიით. კარგ მოქალაქეობას არც ის განსაზღვრავს, რომელი კლანის წევრი ხარ. კარგ მოქალაქეობას განსაზღვრავს ღირებულებები (ღირებულებები გაკავებს, თუ გაგაჩნია, რომ მაგალითად “პოსტივიში” არ იმუშავო). ამიტომ, ერთადერთი სწორი გზა, თუ შედეგი გვინდა და არა იმედგაცრუება, ღირებულებების გარშემო ერთობაა. ასეთი ერთობა ჯანსაღია. სხვაგვარი – არა. (როგორი ხმამაღალი განცხადებებიც არ უნდა ისმოდეს)

ვისაც ყველა მოქალაქის სიცოცხლის, თავისუფლების და ბედნიერებისკენ სწრაფვის უფლების სჯერა და ამ მიზნისკენ მიისწრაფის, მხოლოდ ის შეიძლება იყოს მოკავშირე თავისუფლებისთვის ბრძოლაში. ყველა სხვა (ღირებულებების პოპულისტური ბუღალტერიით შეპყრობილი) – უიმედოა.” – წერს ჩერგოლეიშვილი სოციალურ ქსელში.