ტელეკომპანია “კავკასიას” გენერალური დირექტორი, ჟურნალისტი ნინო ჯანგირაშვილი “ფეისბუქის” პირად გვერდზე ვაქცინაციის საიტზე არსებულ შეფერხებას ეხმაურება:
“არადა ეს ოთხი დამპალი არხი გათიშულები ვართ და მაინც არ მუშაობს აცრის საიტი? ვახ, მეტი რაღა ვქნათ? რით დავეხმაროთ ქოც.სამშობლოს? ერთი კვირა არ ჩავირთვებით, ოღონდ თქვენ კარგად იყავით”,- წერს ჯანგირაშვილი სოციალურ ქსელში.
ცნობისთვის, საქართველოს 4 ნაციონალური ტელეარხი გათიშულია.
გადადგეს ირაკლი ღარიბაშვილი! დაისაჯოს ყველა მოძალადე! – ამ მოწოდებით პროტესტის ნიშნად, ტელეკომპანიებმა მაუწყებლობა შეწყვიტეს.
მანამდე კი, რეგიონული არხების წარმომადგენლებმა ეთერი 13 ივლისს, 15:00 საათზე, ლექსო ლაშქარავას დაკრძალვის დროს 10 წუთით გათიშეს.
მედიასაშუალებების წარმომადგენლების პროტესტი 5 ივლისს, მოძალადეების მიერ ნაცემი ოპერატორის, ლექსო ლაშქარავას გარდაცვალებას მოჰყვა. 11 ივლისს, დილით, ის დედამ საკუთარ საწოლში გარდაცვლილი იპოვა. ლექსოს 5 ივლისის აქციაზე ძალადობრივმა ჯგუფებმა სასტიკად სცემეს, რის შემდეგაც მას ოპერაციაც დასჭირდა.
მისი გარდაცვალების შემდეგ, მედიის წარმომადგენლებმა რუსთაველის გამზირზე აქცია გამართეს და ირაკლი ღარიბაშილის გადადგომა მოითხოვეს.