ჟურნალისტი მაკო ჯაბუა სოციალურ თამუნა მუსერიძის მიმართვას ეხმიანება, სადაც ამბობს, რომ დედამისს მასთან ურთიერთობა არ სურს.
ჯაბუას პოსტს უცვლელად გთავაზობთ.
“მე არავინ მეკითხება, მაგრამ წუხანდელიდან მოსვენება დავკარგე და ძალიან გაბრაზებულიც ვარ
სიმსივნით ამართლებენ თამუნა მუსერიძის გამჩენის ამბავს (მე მას დედას არ ვუწოდებ).
ერთადერთი სწორი გადაწყვეტილება, რომელიც ამ ქალმა მიიღო, თამუნას გაშვილებაა. დანარჩენს ვერც ვიგებ და ვერც გავუგებ.
შვილს უნდოდეს, შენკენ მოდიოდეს, ყველაფერს გპატიობდეს და შენ ასე დემონსტრაციულად ისევ გააგდო შენი ცხოვრებიდან – უგულობაა, სხვა არაფერი. იმ დროს შეიძლება უამრავი მიზეზი არსებობდა ამის, მაგრამ ამ ვითარებაში, არა!
ახლა გამოხტება ვინმე და “მამას ბრალს რატომ არ აღნიშნავ, ყველა აქებს” – ბოდიში, მაგრამ მკიდია, რა ქნა და როგორ წარსულში. ზრდასრულმა ადამიანმა საკუთარ გადაწყვეტილებაზე თვითონ უნდა აგოს პასუხი და 21 წლის “შეცდენილი ქალი” არ არსებობს ჩემთვის, ის არის ზრდასრული.
ბევრი წარმატება თამუნას. ყველაზე რთული ეტაპი ჩავლილია. რაც მთავარია, ყველაფერი გარკვეულია და აწი დალაგდება, ნელ-ნელა”- წერს მაკო ჯაბუა.
ჟურნალისტი თამუნა მუსერიძე, რომელიც ბიოლოგიურ მშობლებს წლების განმავლობაში ეძებდა, მორიგ ვიდეოს აქვეყნებს.
როგორც მუსერიძე ამბობს, ბიოლოგიურ დედას მასთან ურთიერთობა არ სურს. ჟურნალისტი საზოგადოებას მოუწოდებს, უარყოფითი კომენტარებისგან თავი შეიკავოს,ვინაირად, მისი თქმით, დედამისი მძიმე დაავადებას ებრძვის.