სატრანსფერო ბაზრის ექსპერტმა, ჯერარდო ფასანომ გაზეთ AreaNapoli-სთან „ნაპოლის“ სატრანსფერო გეგმებზე ისაუბრა და გამოთქვა ვარაუდი, რომ კლუბი ხვიჩა კვარაცხელიას გაყიდის.
„სატრანსფერო ბაზრის გახსნამდე რამდენიმე თვე რჩება და „ნაპოლი“ ზამთრის ტრანსფერებსა და გაძლიერებაზე უკვე მუშაობს. რა გარიგებებს ამზადებს აურელიო დე ლაურენტისის კლუბი? დარჩება თუ არა კვარაცხელია ნეაპოლში? შესაძლოა, ნერეშის შეძენა კვარაცხელიას მომავალ სეზონში გაყიდვისთვის მზადების ნაწილი იყო.
შემთხვევითი არ არის, რომ კონტე ბრაზილიელს მარცხენა ფლანგზეც იყენებს. დავიდ ნერეში კარის სიახლოვეს ახლა უფრო მწვევა, ვიდრე კვარაცხელია.
თუმცა კონტრაქტის გახანგრძლივებასთან დაკავშირებული ვითარების გათვალისწინებით კვარას სათადარიგოთა სკამზე დასმა არასასურველ ვითარებას შექმნიდა. სად შეიძლება წავიდეს კვარაცხელია? მას მადრიდის „რეალში“ თამაში სურს, როგორც ამ ზაფხულს ვთქვით. შესაძლოა, როდრიგოსა და ქართველს შორის რაიმე სახის როტაცია მოხდეს“, – ამბობს სატრანსფერო ბაზრის ექსპერტი ჯერარდო ფასანო.