ხაშურში ორ არასრულწლოვანს მანქანა დაეჯახა – ინფორმაციას ადგილობრივი გამოცემა “მოზაიკა” ავრცელებს. ახლობლების თქმით, ბავშვები დები არიან. დაშავებულების მდგომარეობა სტაბილურად მძიმეა, ისინი თბილისის კლინაკაში გადაიყვანეს.
თვითმხილველების ინფორმაციით, შემთხვევა იმ დროს მოხდა, როცა ბავშვები გზაზე გადასვლას ცდილობნენ.
“ბავშვები ექსკურსიის მარშუტკიდან ჩამოვიდნენ, გზაზე გადასვლას, რომ ცდილობდნენ, მანქანა მაშინ დაეჯახათ”, – ამბობს ერთ-ერთი თვითმხილველი.
ახლობლების თქმით, ბავშვები ხაშურის #5 საჯარო სკოლაში სწავლობენ.