ჯანდაცვის მსოფლიო ორგანიზაციის წარმომადგენელი, ორგანიზაციის მთავარი მეცნიერი სოუმია სვამინათამი სხვადასხვა კომპანიის მიერ წარმოებული კოვიდვაქცინების შერევას „საშიშ ტენდენციას“ უწოდებს.
სააგენტო “როიტერსის” ცნობით, სოუმია სვამინათანმა ონლაინ ბრიფინგზე განაცხადა, რომ ვაქცინების შერევისას ადამიანების ჯანმრთელობაზე გავლენის შესახებ მწირი ინფორმაცია არსებობს.
“ეს ცოტა საშიში ტენდენციაა. ჩვენ ვიმყოფებით ზონაში, რომელშიც არ არსებობს მონაცემები ან მტკიცებულებები, როდესაც შერევაზეა საუბარი“, – განაცხადა ჯანდაცვის მსოფლიო ორგანიზაციის წარმომადგენლმა.
ამასთან, როგორც მან აღნიშნა, თუ ადამიანები გადაწყვეტილებების მიღებას დაიწყებენ იმის შესახებ როდის და ვინ მიიღებს მეორე, მესამე ან მეოთხე დოზას, ქვეყნებში ქაოტური სიტუაცია შეიქმნება.