ჟურნალისტი ნინო ჯანგირაშვილი “ფეისბუქზე” წერს, როგორ დაიზიანა ფეხი პარლამენტთან მომხდარი დაპირისპირებისას:
“რადგან ბევრი კითხვაა, ერთბაშად ყველას გიპასუხებთ და აღვწერ მოკლედ სად, როგორ და როდის დამიზიანდა ფეხი: როგორც ნახეთ, პარლამენტის უკანა შესასვლელთან ჟურნალისტები ვიდექით, რომლებსაც არ გვიშვებდნენ პარლამენტში. პოლიცია გაშმაგებული იცავდა შენობას ჩვენი, ჟურნალისტების შესვლისგან. ერთ–ერთ კართან ვიდექით მე და ვატო წერეთელი. ამ დროს გაიღო შიგნიდან კარი. ატყდა ჩოჩქოლი, მოვარდა პოლიცია, ვატო შევიდა, მე შევრჩი ხელში. გადამიარეს და გადამჯეგეს, რაღაც მძიმე რკინა მომხვდა ფეხში და + ათამდე პოლიციელმა გადამიარა. სულ ეს არის.” – წერს ჯანგირაშვილი სოციალურ ქსელში.
აღნიშნულს პოლიტიკური მოძრაობა „დროა“-ს დამფუძნებელი ელენე ხოშტარია ეხმაურება:
“ჩემ თვალწინ გააუარეს ნინოს და ფეხი აქვს დაზიანებული
პოლიციელს რომ ვკითხეთ, როგორ ბედავ კიდე ჟურნალისტზე გაწევას და საერთოდ ღამე როგორ გძინავს -თქო, მშვიდადო… შემდგომ დეტალებს აღარ აღვწერ” – წერს ხოშტარია სოციალურ ქსელში.
დღეს ხნის წინ, პარლამენტის სხდომათა დარბაზში მედიაორგანიზაციებისა და სამოქალაქო სექტორის წარმომადგენლები შეიჭრნენ. მათი გაღიზიანება პარლამენტის შენობაში შესასვლელად რამდენიმე ჟურნალისტისთვის საშვის დაშვებაზე უარის თქმამ გამოიწვია.