სკანდალური საქმის ფიგურანტი შესაძლოა ბიონსე გახდეს? – რა ხდება ცნობილი “ჰოლივუდის” სკანდალური საქმიდან?

Puff Diddy-ის გარშემო ატეხილმა სკანდალმა მთელი მსოფლიო მოიცა. საქმის  სავარაუდო ფიგურანტად, დაუდასტურებელი ინფორმაციით ბიონსეს მიიჩნევენ. უცხოური მედიის ცნობით, ბიონსე ერთ-ერთია იმ ვარსკვლავებიდან, რომლებიც ამერიკელი რეპერის თეთრი წვეულებების შესახებ იცოდა.

მოდით, კიდევ ერთხელ გადავავლოთ თვალი ბიონსეს განვლილ ცხოვრებას.

ყველაზე მეტი – 32 მუსიკალური ჯილდო – გრემის ისტორიაში, საუკეთესო ვოკალისტი – გამოცემა „როლინგ სტოუნის” მიხედვით, 21-ე საუკუნის კულტურის ხატი, „დედოფალი ბი” – ამ სიტყვებს ბიონსეს დახასიათებისას ყველაზე ხშირად მოისმენთ.

ბიონსე ჯისელ ნოულსის ისტორია ტეხასიდან იწყება. შემოქმედებით ოჯახში დაბადებულ გოგონას ბავშვობიდანვე დიდ მომავალს უწინასწარმეტყველებდნენ. ინტერესი მუსიკის მიმართ მას შემდეგ გაუძლიერდა რაც 7 წლის ასაკში სკოლაში გამართულ მუსიკალურ კონკურსზე პირველი ადგილი აიღო და ჯონ ლენონის ცნობილი ჰიტი – „imagine” შეასრულა. განსაკუთრებული წარმატება ბიონსეს ჯგუფმა, სახელწოდებით „Destiny’s Child” მოუტანა.

მისი ალბომები ბილბორდების სათავეში ხვდებოდა. დახვეწილი სტილის, ორიგინალურობისა და ადამიანების მოხიბვლის უნარის წყალობით ფართო აუდიტორიის გული მალევე დაიპყრო. სიმღერები- Single ladies, Halo, love on top, if I were a man – მსმენელმა განსაკუთრებით შეიყვარა.

აღსანიშნავია, რომ ბიონსე ხშირად ირგებს ქართველი დიზაინერების მიერ შექმნილ ტანისამოსს. მსოფოლიო ტურნეს, სახელწოდებით „რენესანსი” მიმდინარეობისას ვარსკვლავი ვიხილეთ დავით კომახიძის, მეჩ ენდ მეჩისა და ირაკლი რუსაძის კოსტიუმებით.

წარმატებული კარიერის პარალელურად, ბიონსე არაჩვეულებრივი დედაა. მომღერალსა და ჯეიზის 3 შვილი ჰყავთ. წყვილის ურთიერთობა 20 წელზე მეტს ითვლის.