ძალადობრივი ჯგუფების მხრიდან თბილისში, პარლამენტის შენობის წინ აღმართული ევროკავშირის დროშის ჩამოგლეჯისა და დაწვის ფაქტს პროდიუსერი და ტელეწამყვანი მაია სტეფნაძე “ფეისბუქის” პირად გვერდზე შემდეგი სახის პოსტით ეხმაურება:
“რა უძლური ან ბოროტი უნდა იყოს სახელმწიფო, რომ ვიღაც ბრბოს ნება მისცეს ევროკავშირის დროშა დაწვას და მეორე დღეს, ვითომც არაფერი, ხელახლა “სვეტსკად” დაკიდოს. ეს სირაქლემას პოზა იმითია ცუდი, როცა თავი სილაშია, ტ@@კი დაუცველი რჩება. მითუმეტეს ამ ქვეყანაში სადაც ამ ორგანოს ფეტიშია. ასე რომ, თქვენი მოვალეობა შეასრულეთ, თორემ კიტოვანი დღესაც ცოცხალია და მას ჰკითხეთ როგორია მოღალატის და ძმათამკვლელი ომის წამომწყების ხვედრი. ძალაუფლება სულ არ გექნებათ და მასავით ქუჩაში ვეღარ გაივლით თქვენც!“- წერს სტეფნაძე სოციალურ ქსელში.
პარლამენტის თავმჯდომარემ საკანონმდებლო ორგანოს წინ დღეს ევროკავშირის დროშა თავად დაკიდა.
“ევროპულ და ევროატლანტიკურ სტრუქტურებში ინტეგრაცია ქართველი ხალხის ისტორიული არჩევანია და ამ გზაზე აუცილებლად ვივლით წინ! მიუღებელია ევროკავშირის დროშის დაშვება. ჩვენი სტრატეგიული პარტნიორები საქართველოს სუვერენიტეტისა და ტერიტორიული მთლიანობის სადარაჯოზე მუდმივად დგანან. მათი წვლილი საქართველოს განვითარებაში ფასდაუდებელია. უნდა გვახსოვდეს, რომ ჩვენ, ყველას, ერთი სამშობლო გვაქვს, რომლის ისტორიას, ტრადიციებსა და რელიგიას არაფერი აქვს საერთო ძალადობასთან,” – წერს კახა კუჭავა “ფეისბუქზე”.