“მგონი ჩვენ რუსული რეჟიმის დამყარება, რუსთაველის გამზირის პუტინის გამზირად გადარქმევაზე ნაკლები არ გვგონია. აი, თუ გადაარქვეს, ხო. მერე უეჭველი დავიჯერებთ,” – ასე ეხმაურება “ფეისბუქის” გვერდზე “მთავარი არხის” გენერალური დირექტორი ნიკა გვარამია ძალადობრივი ჯგუფების მხრიდან თბილისში, პარლამენტის შენობის წინ აღმართული ევროკავშირის დროშის ჩამოგლეჯისა და დაწვის ფაქტს.
“მისცეს შესაძლებლობა, ველური ყიჟინით დაეკავებინათ რუსთაველი, მისცეს შესაძლებლობა, ველური მგზნებარებით კვლავ დაეხიათ ევროკავშირის დროშები, ბოლოს ალბათ პოლიცია ესკორტით ჩამოარიგებს სახლებში. ეს ბრბო რულავს ქვეყანას. ეს სავსებით ცხადია.”– წერს გვარამია სოციალურ ქსელში.