ჟურნალისტი და მთარგმნელი თეა გვასალია აშშ-ში, ჰოლივუდის ვარსკვლავების გაეშემოატეხილსკანდალს სოციალურ ქსელში ეხმიანება.
,,კი ვერ ვხსნი რატომ, მაგრამ ამერიკელი რეპერების (და არა მარტო), სკანდალმა კიდევ ერთხელ დამარწმუნა, რომ რაც მეტი ფული აქვს ადამიანს, მით უფრო გაუკუღმართებულ გასართობებს ეძებს.
არც ისაა საიდუმლო, რომ ვარსკვლავების 90%-ს მხოლოდ ასეთ ორგიებში „გატესტვის“ შემდეგ უხსნიან გზას შოუ ბიზნესის მამები, დედები და „მამაშები“. ჰოლივუდში კი არა, აგერ, ჩვენს ირგვლივ, ათიდან ხუთ, ერთი შეხედვით ბედნიერ ოჯახში კარგად რომ ჩაიხედო, ისეთი დრამებს აღმოაჩენ, ეპშტეინს ყველაზე თამამ სიზმრებშიც რომ არ დასიზმრებია.
ამიტომ გულუბრყვილო კითხვების: „ვაიმე, ბიონსეეც?“ „აქამდე რატომ არავინ ამოიღო ხმა“ ნაცვლად, სხვა, უფრო პრაქტიკული საკითხი მაინტერესებს. აგერ მე, ჰოლივუდიდან 11 000 კილომეტრის დაშორებით, კავკასიის მთებში ჩაკარგულ, ამერიკული მასშტაბებით ერთი ბეწო ქალაქში რომ ვიცოდი მსგავსი სოდომ-გომორის არსებობა, თქვენ CIA-ს და FBI-ს პატრონებმა, მხოლოდ პაფ დადია თუ დიდის ყოფილი შეყვარებულისგან გაიგეთ ეს ამბავი და ყურებს არ დაუჯერეთ?
და რადგან ეს სკანდალი, მოახლოებული არჩევნებიდან საეჭვოდ ახლოს გასკდა, მაქვს გონივრული მოლოდინი, რომ „ძიების პროცესში“ მსგავს ავხორცობაში არაერთგზის შემჩნეული, დონალდ ტრამპის სახელიც ამოტივტივდება. თუმცა ამ ბინძურ თამაშებში, არც ის გამიკვირდება, ისტორიას ო’ჰენრისეული დასასრული რომ აღმოაჩნდეს და ოჯახური სიწმინდეებისა და ღირებულებების დამცველმა ტრამპმა, რომელიმე დამწყებ რეპერთან ჩახუტებული კამალას ფოტო აგვაფაროს სახეზე” – წერს თეა გვასალია.
შეგახსენებთ, 16 სექტემბერს, ნიუ-იორკში ამერიკული ჰიპ-ჰოპ ინდუსტრიის ერთ-ერთი ყველაზე დიდი წარმომადგენელი, პროდიუსერი და რეპერი შონ კომბსი (იგივე Puff Daddy, P.Diddy, Diddy, Diddy – Dirty Money) დააკავეს. ონ დიდი ქომბსის, იგივე puff Daddy-ის გარშემო ატეხილმა სკანდალმა მთელი ჰოლივუდი მოიცვა.
ამერიკელ რეპერს სექსუალურ ძალადობაში, რეკეტების მოწყობასა და პროსტიტუციაში ქალების იძულებით ჩართვაში ადანაშაულებენ.
გამოძიებამ გაჩხრიკა რეპერის საცხოვრებელი სახლი, სადაც წარსულში მასშტაბური წვეულებები ეწყობოდა და სადაც საზოგადოებისთვის ძალიან ცნობილი სახეები – მომღერლები, მსახიობები, სპორტსმენები და მათ შორის პოლიტიკოსებიც დადიოდნენ. წვეულების ოფიციალური ნაწილის დასრულების შემდეგ კი, გამოძიების თქმით, ხდებოდა ყველა ის დანაშაული, რის გამოც დღეს Daddy დაკავებულია.
სექს-ტრეფიკინგი, რეკეტების მოწყობა, ქალების იძულებით, პროსტიტუციაში ჩათრევა, ასევე საერთაშორისო საზღვარზე ადამიანების გადმოყვანა და პროსტიტუციაში ჩათრევა – ეს არის ის ბრალდებები, რის გამოც დიდი დააკავეს. მან, გირაოს სახით, პროკურატურას 50 მილიონი და როგორც საკუთარი, ისე ოჯახის წევრების საბუთების ჩაბარება შესთავაზა, მაგრამ მოთხოვნა არ დაუკმაყოფილეს. დიდი უარს ამბობს საპყრობილეში საკვების მიღებაზე, რადგან, როგორც ამბობს, ეშინია, არ მოწამლონ.